Kryeministri izraelit, Benjamin Netanyhu, ka thënë, se Irani përfaqëson “kërcënimin më të madh në botë”, duke i bërë thirrje komunitetit ndërkombëtar për të luftuar “regjimin” e Teheranit që “kërcënon paqen”.
Ai i ka bërë këto deklarata në paraqitjen e tij të parë në Konferencën për Siguri në Mynih.
Ai po ashtu, ka kritikuar marrëveshjen bërthamore të vitit 2015, sipas së cilës Teherani duhet të ndalojë programin bërthamor në këmbim të lehtësimit të sanksioneve.
Sipas tij, kjo marrëveshje nuk e ka bërë Iranin më të matur qoftë në nivelin vendor apo atë ndërkombëtar.
Netanyahu ka thënë se ka “ngjashmëri” në mes të Iranit dhe Gjermanisë Naziste, duke thënë se udhëheqësia iraniane dëshiron ta shkatërrojë Izraelin.
Netanyahu ka paralajmëruar, se Irani nuk duhet “të testojë vendosshmërinë e Izraelit”.