Nesër fillon provimi i maturës shtetërore. Lënda e parë që do të testohet është gjuha amtare. Më 9 qershor do të jetë provimi nga matematika, ndërsa më 13 qershor në të gjithë shkollat e mesme do të jepet provimi nga gjuha e huaj. Më 15 qershor do të jepen provimet nga fizika, kimia, biologjia, biznesi, historia, filozofia dhe estetika, transmeton Telegrafi Maqedoni.
Këtë vit shkollor për maturë shtetërore janë paraqitur 16 mijë e 859 nxënës, prej të cilëve 8 mijë e 729 nga drejtimi i gjimnazit, 7 mijë e 866 nga drejtimi i mesëm profesional dhe 264 nga arsimi i mesëm figurativ.
Testimi i jashtëm për shkollarët fillor dhe ato të mesëm do të realizohet nga 7 deri më 11 qershor të këtij viti. Prej sot ka filluar publikimi i lëndëve në të cilët do të testohen nxënësit. /Telegrafi/