Një segment në autostradën “Arbën Xhaferi” të dielën do të mbyllet për qarkullim nga ora 08:00 deri në ora 17:00.
Kjo për shkak të punimeve në mirëmbajtjen e gypave të telekomit përgjatë urave në segmentin C3 Kyqja Doganaj – Hani i Elezit dhe atë në drejtimin: kyçja Doganaj -Hani i Elezit.
Ky është njoftimi i MI-së:
Njoftojmë se më 14 qershor 2020 (e diel), do të realizohen punimet në mirëmbajtjen e gypave të telekomit përgjatë urave në segmentin C3 Kyçja Doganaj – Hani i Elezit dhe atë në drejtimin: kyçja Doganaj -Hani i Elezit. Këto punime janë si vazhdimësi në kuadër të periudhës së garancionit të Autostradës R6 “Arbën Xhaferi”. Punimet do të zhvillohen nga ana e kompanisë “Bechtel-Enka”.
Për kryerjen e këtyre aktiviteteve do të bëhet mbyllja e përkohshme e kësaj pjese të autostradës, nga ora 08:00 – 17:00.
Pjesëmarrësit në komunikacion, gjatë kësaj kohe mund të shfrytëzojnë rrjetin e rrugëve nacionale dhe rajonale. /Telegrafi/