Me qëllim të riaktivizimit të tij, që rrit kapacitetet prodhuese në format alternative të energjisë së ripërtëristshme, dhe të futjes së investimeve private në sektorin e energjisë elektrike KEK-u kishte shpallur tender të hapur për dhënien me qira të këtij hidrocentrali.
Me 30.09.2009 KEK ka nënshkruar kontratat për dhënien me qira të hidrocentralit të Dikancës dhe për blerje të energjisë elektrike me kompaninë Frigo Food Energy Invest nga Shqipëria, e cila kishte ofruar kushtet më të mira në tenderin e hapur nga korporata.
Investimi total arrin në 2.5 milionë euro, i ndarë në dy faza. Fillimisht kompania fituese e kishte për obligim të bëjë rehabilitimin e kapaciteteve ekzistuese, ndërsa në fazën e dytë parashihet zgjerimi deri në 2.66 megavatë/orë, që paraqet gati dyfishim të kapaciteteve.