Ish-mesfushori i Manchester United, Owen Hargreaves ka thënë se Jadon Sancho duhet të transferohet në Old Trafford.
Anësori anglez po kërkohet me ngulm nga Djajtë e Kuq, derisa ka bërë të ditur se do të largohet në këtë verë nga Borussia Dortmundi.
Hargreaves beson se nëse Sancho kalon te United, ai mund të fitojë Topin e Artë, pasi ka të gjitha cilësitë.
“Ai e njeh mjaftë mirë Manchesterin, pasi ka qenë te City, por kush e transferon atë, do të jetë shumë me fat”, ka thënë ai.
“A mund të fitojë Topin e Artë? Po, pasi ka potencial dhe tashmë e ka treguar atë. AI ka treguar një impakt të madh te Dortmundi dhe mendoj se mund të arrijë një gjë të tillë nëse kalon te United”.
“Ai më ngjan shumë në lojën e Wayne Rooneyt dhe të Neymarit, pasi i bën gjërat e tyre”, ka shtuar më tej Hargreaves.
20-vjeçari ka arritur të shënojë 31 gola në 91 paraqitje te skuadra gjermane, që kur iu bashku në vitin 2017. /Telegrafi/