Monedha prej dy eurosh që mund të mbani në dorë vlen dukshëm më shumë se dy euro. Disa fillojnë me një çmim edhe 4000 euro!
Kjo monedhë përmban imazhin e Princeshës, Grace Kelly dhe vetëm 20 mijë monedha të tilla janë në qarkullim, transmeton Telegrafi.
Në vitin 2007, Monako filloi prodhimin e 20,001 monedhave me imazhin e Princeshës Kelly për nder të 25-vjetorit të vdekjes së saj.
Siç thuhej, 20 mijë prej tyre dolën në treg përgjatë viteve dhe një iu dhurua djalit të saj, Princit Albert II.
Më pak monedha janë prodhuar ndonjëherë në një seri përkujtimore, gjë që rrit më tej vlerën e kësaj serie nga Monako.
Nga periudha 2007 deri në vitin 2014, kur ende po prodhoheshin, ato shiteshin me një çmim mesatar prej 120 eurosh, derisa sot kapin vlerën e 4,000 eurove.
Gjithashtu, një seri tjetër prej dy eurosh nga Monako merr vlerë të jashtëzakonshme.
Është prodhuar në vitin 2016 për nder të 800 viteve të kalasë atje dhe shitet për ,1500 euro sepse është seri e limituar. /Telegrafi/