Moderatorja e njohur, Elita Rudi, po vazhdon të shijojë më së miri ditët e pritjes së ëmbël.
Ajo dhe reperi Gjiko do të gëzohen me një tjetër fëmijë në vetëm pak muaj.
Teksa është mjaft aktive dhe e ndjekur në rrjetet sociale, Elita, shpesh ndan me ndjekësit fotografi dhe video të ndryshme nga përditshmëria.
Së fundmi, Rudi publikoi për fansat e saj në rrjetin social Instagram një fotografi, ku shfaqej e shtrirë në divan, veshur me një kostum, që i theksonte barkun e rrumbullakosur.
Ajo mbante në duar një pjatë me ushqim, me ç’rast ka treguar se nepsi i shtatzënisë nuk mungon.
Pëlqimet dhe komentet e shumta nga ndjekësit nuk kanë munguar, shumica prej të cilëve i kanë dëshiruar shtatzëni sa më të lehtë për pjesën e mbetur.
Elita dhe Gjiko përndryshe janë prindër edhe të një djali, të cilin dyshja e kanë pagëzuar me emrin Zëri. /Telegrafi/
