Nëntë persona raportohet se kanë gjetur vdekjen dhe rreth 20 të tjerë janë bllokuar pasi një çati e kishës u shemb në Meksikë.
Mediat lokale thanë se 49 persona u dërguan në spital, pasi çatia e kishës Santa Cruz të Ciudad Madero u rrëzua, shkruajnë mediat e huaja, përcjell Telegrafi.
Policia në shtetin bregdetar të Tamaulipas tha se rreth 100 njerëz ishin në meshë në momentin e shembjes.
Mediat lokale raportuan se ishte një pagëzim.
Një numër fëmijësh besohet të jenë në mesin e të bllokuarve dhe përpjekjet e shpëtimit janë duke vazhduar.
Continúan los trabajos de rescate de personas con vida en la #Iglesia de la #SantaCruz de #CdMadero #Tamaulipas pic.twitter.com/yVqf6kFEuQ
— @vientosdelsur.mx (@billygtz) October 2, 2023
Ndërkohë janë publikuar disa pamje që thuhet se tregojnë momentin e shembjes së çatisë së kishës. /Telegrafi/