Më shumë se 2 milionë njerëz janë larguar nga Ukraina që nga fillimi i agresionit rus, shumë prej të cilëve janë gra dhe fëmijë.
Përtej kufirit, në Poloni, nënat po përgatiten për të ndihmuar.
Një foto tashmë virale tregon vargun e karrocave për fëmijë të vendosura për t’u dhuruar për nënat ukrainase në një stacion treni në vendkalimin kufitar në Medyka, Poloni.
Karrocat u vendosën aty nga nënat polake, sipas fotografit Francesco Malavolta i cili ka shkrepur foton.
“Mendoja për të dyja, për solidaritetin e atyre që sollën karrocat dhe historitë dramatike të nënave që ikin nga lufta”, tha ai.
Malavolta gjithashtu postoi të hënën një foto në Twitter që ai e bëri duke treguar karroca të rreshtuara në kufirin midis Sllovakisë dhe Ukrainës. /Telegrafi/
Dopo la stazione ferroviaria di Przemyśl in Polonia, anche sul confine tra Slovacchia e Ucraina vengono lasciati passaggini per quelle mamme costrette a scappare dall’Ucraina con i loro neonati. Copyright foto e testo Francesco Malavolta#ukraineconflict #Ukraine #WWIII #slovakia pic.twitter.com/w5HfDbYGvd
— Francesco Malavolta (@MalavoltaF) March 7, 2022