Alinson Robinson në Lancashire e Anglisë, ia ka thirrur të birit Oliver policinë, në momentin që ka kuptuar se ai ka mbledhur shoqërinë në shtëpi, pa dijeninë e saj.
Madje, 49-vjeçarja kërkoi që ta mbyllin të birin e saj 18-vjeçar, në mënyrë që të mësojë për të vepruar si i rritur, transmeton Telegrafi.
Prindërit e tij e ndërprenë pushimin, kur një fqinj iu tregoi se në shtëpinë e tyre diçka nuk është në rregull.
Me tu kthyer, ata gjetën një xham të dritares së thyer, orendi të dëmtuara dhe dyshemetë e mbuluara me urinë dhe të vjella.
Oliver kishte dashur të bënte një aheng të vogël me shoqërinë e ngushtë, por me të kuptuar të tjerët, gjërat dolën prej kontrollit.
Gjatë kohës sa ishte në arrest, adoleshenti kishte thënë se në shtëpi u mblodhën njerëz ta paftuar që nuk i njihte, por nuk kishte si t’i largonte.
Për më keq, atij i është hidhëruar babai aq shumë, sa që e ka përjashtuar prej kompanisë që e ka në pronësi dhe i jepte rrogë të majme. /Telegrafi/