Ushtria amerikane ka kryer sot një sulm ajror në pjesën lindore të Afganistanit ndaj bunkerëve të militantëve të ISIS-it, ku ka përdorur për herë të parë bombën më të madhe jo-nukleare.
Bëhet fjalë për bombën GBU-43/B (Masive Ordnance Air Blast Bomb) apo ndryshe e njohur si MOAB “Nëna e të gjitha bombave, që peshon plot 10 mijë kilogramë dhe kontrollohet në ajër nga sistemi GPS, dhe që konsiderohet si bomba më e fuqishme jo-nukleare e ushtrisë amerikane, transmeton Telegrafi.
Ajo është e gjatë 7 metra dhe mund të depërtojë në një thellësi të tokës prej më shumë se 60 metra, dhe të shpojë një hapësirë betoni të trashë mbi 18 metra, pasi është e dizajnuar për shkatërrimin e bunkerëve.
Ajo lëshohet nga një lartësi prej 6 mijë metra dhe arrin në tokë me shpejtësi supersonike, duke shkatërruar objektivin që mund të jetë i përforcuar me beton, pllaka çeliku dhe gur gjigant.
Koka e saj prej 10 mijë kilogramë është e mbushur me eksploziv TNT, e cila shpërthen në kontaktin e parë me tokën. /Telegrafi/
