Nëna e futbollistit Neymar thuhet se është ndarë nga i dashuri i saj i ri 23-vjeçar, pasi zbuloi se ai kishte pasur marrëdhënie me një varg meshkujsh, thuhet sipas raportimeve të fundit në Brazil.
Ylli i Paris Saint-Germain dha bekimin e tij kur nëna e tij 52-vjeçare Nadine Goncalves, deklaroi dashurinë e saj për 23-vjeçarin Tiago Ramos më pak se dy javë më parë.
Por tani duket se Nadine i ka dhënë fund marrëdhënies pasi zbuloi se ai kishte takuar burra të ndryshëm përpara takimit të tyre të parë, shkruan DailyMail.
Tiago, i cili është gjashtë vjet më i ri se Neymar, kinse u takua me kuzhinierin personal të PSG dhe yllit të Brazilit, Mauro përpara se të përfshihej romantikisht me nënën e sulmuesit.
Është pohuar gjithashtu se ai ishte duke takuar një aktor të njohur brazilian dhe komedian të quajtur Carlinhos Maia.
Raportet nga Brazili shprehen se Ramos është një model, i cili është gjithashtu pjesë e një ekipi lojrash të quajtur 4K Easy. Megjithatë, mbetet e paqartë kur ai filloi të takonte nënën e Neymar, megjithëse Ramos ishte fotografuar në festën e ditëlindjes së lavdishme të ish-yllit të Barcelonës në shkurt.
Tiago tani thuhet se është përsëri me familjen e tij në Brazil pasi u largua nga rezidenca e Nadine.
Ai publikoi një video në Instagram ku shihej duke luajtur një lojë kompjuterike me nënën dhe motrën e tij të mërkurën.
Lajmi vjen më pak se dy javë pasi Nadine konfirmoi lidhjen përmes një fotografie të pblikuar në Instagram, ku shihej duke u përkëdhelur me Tiagon.
Neymar më pas la një koment të përzemërt në këtë postim, ku shkruhej: “Bëhu nënë e lumtur. Të dua”.
Nadine ishte martuar me babanë e Neymar, dhe agjentin, Wagner Ribeiro për 25 vjet – por ata u ndanë në vitin 2016. /Telegrafi/