Në Florida të SHBA-ve është gjetur e vdekur një foshnje 17-muajshe brenda një veture.
Nëna e foshnjës Midelmiss Leyesly, 26-vjeçe, kishte lënë të birin Damon Cruz në veturën e nxehtë derisa ajo ishte në punë, ku kishte qëndruar më shumë se tetë orë, transmeton Telegrafi.
Policia ka njoftuar se vogëlushi është gjetur i vdekur në veturën e parkuar në qytetin Pembroke Pines në Florida. Sipas raportit të policisë, kjo nënë kishte shkuar atë ditë në punë dhe brenda veturës kishte lënë djalin e vogël,.
Një kalimtare rastit kishte mbetur e shokuar kur rreth orës 17 pa foshnjën e vdekur brenda veturës.
“Kam qenë e shokuar, nuk e dija se kishte vdekur, dukej sikur po flinte”, ka shtuar dëshmitarja e cila i kishte telefonuar me urgjencë policisë.
“Ekipet e ndihmës së shpejtë dhe ato të zjarrfikësve mbërritën me shpejtësi në vendin e ngjarjes, por dështuan ta rikthejnë në jetë djaloshin që e shpallën të vdekur.
Mediat amerikane raportojnë se temperaturat atë ditë silleshin nga 32 deri në 34 gradë celsius, dhe duket se nxehtësia e madhe kishte ndikuar që vogëlushi të humb jetën.
“Ta lësh djalin e vogël në veturë, gjithmonë ekziston një rrezik i madh, e në veçanti gjatë verës, kur temperaturat arrijnë mbi 38 gradë celsius”, ka deklaruar zëdhënësi i policisë.
Ky është fëmija i 24-të që gjatë këtij viti ka humbur jetën në SHBA, ku prindërit apo të afërmit i kanë harruar brenda veturave në temperatura të larta. /Telegrafi/
