Një nënë e katër fëmijëve ra pa ndjenja dhe vdiq në gjykatë teksa qëndronte e ulur pranë prindërve të saj pasi iu dha një vendim për një betejë ligjore familjare.
Hayley Gascoigne, 32 vjeç, pësoi një arrest kardiak, në momentin që ndodhej në gjykatën Hull Crown në Angli.
Policia ka nisur hetimet si pasojë e shqetësimeve nga një i afërm që thotë se Hayley mund të ketë “konsumuar diçka” në tualet përpara se të sëmurej.
Anëtarët e familjes dhe skuadra e saj ligjore u tronditën kur Gascoigne filloi të dridhej, para se të ndërronte jetë në orën 2.30 të mesditës.
E ëma e saj dëgjohej teksa bërtiste me të madhe: “Hayle. Oh Zot. Thirrni ambulancën. Të lutem shpëtojeni”.
Mjekët erdhën menjëherë dhe e dërguan në infermieri por më vonë e shpallën të vdekur, përcjell BW.
Të afërmit dhe miqtë e saj u shokuan nga ngjarja që ndodhi dhe shkruan ngushëllime në nder të mikeshës së tyre.
“Ishte kaq person i ëmbël dhe i dashur për të pasur një fund të tillë. Kaq tragjike. Ngushëllime familjes”, shkruan një mik i saj.
Policia tashmë ka nisur hetimet për ngjarjen. /Telegrafi/
