Mësuesja e Teksasit, Sarah Beam, u arrestua pasi mbylli djalin e saj 13-vjeçar, i cili ishte pozitiv me coronavirus, në bagazhin e një veture për t’u mbrojtur nga infektimi.
Ajo dyshohet se ka vënë në rrezik jetën e një fëmije. Dëshmitari thirri policinë pasi dëgjoi se dikush ishte në bagazhin e një automjeti më 3 janar në Harris County, Teksas.
Mësuesi hapi bagazhin e automjetit dhe pa se brenda ishte një djalë, raporton Cick2houston.
Beam tha se djali i saj 13-vjeçar ka rezultuar pozitiv me coronavirus dhe se ajo e ka dërguar në një qendër për testim tjetër për të konfirmuar rezultatin.
Nëna dyshohet se ka thënë se e ka futur djalin e saj në bagazhin e makinës sepse nuk donte të infektohej vetë.
Autoritetet mundën të shikonin kamerat e vëzhgimit që tregonin momentin kur fëmija doli nga bagazhi i veturës dhe hipi në ulësen e pasme.
Ndryshe, Beam së fundmi ka punuar si mësuese në Cypress Falls High School nga viti 2011. /Telegrafi/