Një shoferi i është vjedhur vetura nën kërcënimin e armës nga katër të dyshuar, në një rrugë të frekuentuar të Brooklyn në mes të ditës – e këtë moment e ka filmuar kamera e sigurisë.
26-vjeçari ishte brenda veturës së tij të parkuar Honda me një mik, kur dy persona iu afruan duke e pyetur se sa është ora, transmeton Telegrafi.
Me tu siguruar se mund të veprojnë njëri prej tyre nxori thikën dhe revolen, duke i kërkuar viktimave të këtij sulmi të dorëzojnë telefonat dhe gjësendet tjera me vlerë dhe të largohen nga vetura.
E kur viktimat filluan të ankohen, u shfaqën edhe dy tjerë – kështu katërshja u futën në veturë dhe u larguan me shpejtësi nga vendi i ngjarjes.
Videoja është postuar nga policia e New Yorkut, ku shihen dhjetëra çiklistë, vetura e këmbësorë duke kaluar pranë dhe duke mos ndërmarrë asgjë për të parandaluar vjedhjen. /Telegrafi/
Brooklyn: Willoughby Avenue & Franklin Avenue, @NYPD79Pct is investigating a carjacking at gunpoint that occurred today at around 6:30 Pm.
If you have any information on this incident contact @NYPDTips at 1800-577-8477 pic.twitter.com/nJUfcxHk9r
— NYC Scoop (@NY_Scoop) March 30, 2021