Nënkryetari i Juventusit, Pavel Nedved ka thënë se presin një përgjigje të shkëlqyeshme nga skuadra kundër Portos , pasi kalimi në raundin tjetër është detyrim.
Juventusi vjen në këtë ndeshje pas humbjes 2-1 në Portugali tri javë më parë. .
“Ne të gjithë po e presim këtë ndeshje dhe është detyrë të kalojmë në raundin tjetër dhe të japim më të mirën tonë”.
“Djemtë janë gati. Na duhet diçka shtesë në këto mbrëmje dhe presim një përgjigje të shkëlqyeshme nga i gjithë ekipi”.
“Ne bëmë mirë kundër Lazios, pushuam disa lojtarë dhe përgjigja nga të gjithë ishte e rëndësishme. Sot Andrea Pirlo ishte në gjendje të bëjë disa zgjedhje, ka edhe lojtarë të rëndësishëm në stol dhe ne jemi të gatshëm të japim gjithçka për të përparuar tutje”.
“Ne do të përpiqemi të bëjmë më mirë sesa në Oporto, ku pothuajse asgjë nuk ishte mirë për atë ndeshje. Ne duhet të tregojmë se e meritojmë të jemi në Evropës”, ka thënë Nedved, duke shtuar se Cristiano Ronaldo u pushua ndaj Lazios që të jetë gati për këtë ndeshje. /Telegrafi/