Zëvendëspresidenti i Juventust, Pavel Nedved, e ka siguruar një tifoz në lidhje me qëndrimin e Cristiano Ronaldos te Zonja e Vjetër.
Superylli portugez nuk ka dhënë shenja të largimit këtë verë, mirëpo mediat sportive e kanë lidhur me klube të ndryshme.
Sidoqoftë, krerët e Bianconerëve kanë përsëritur vazhdimisht se 36-vjeçari do ta vazhdojë karrierën në Torino, ku ka edhe një vit kontratë.
Il VIDEO ESCLUSIVO di @junews24com con #Nedved che si ferma alla Continassa per autografo e risponde alla domanda su #Ronaldo. Bravissimo @LucaFioretti13 👏🏻 #Juventus #Juve pic.twitter.com/dqTMGqUkuY
— Mauro Munno (@Maumunno) July 14, 2021
Një tifoz me aftësi të veçanta ka qëndruar në hyrje të Continassas duke e pritur arritjen e Massimiliano Allegrit, ndërkohë që i ka kërkuar autograf edhe legjendës çeke.
Nedved është ndalur për t’ia plotësuar dëshirën, ndërkohë që tifozi e ka pyetur në lidhje me Ronaldon.
“Po vjen, po vjen”, i është përgjigjur 48-vjeçari lidhur me CR7, i cili aktualisht ndodhet për pushime me familjen dhe më pas do t’i bashkohet skuadrës së Juventusit. /Telegrafi/
