Në vitin 2022 Kuvendin e kanë vizituar 6027 vizitorë në kuadër të 169 tureve të organizuara, informoi Instituti Parlamentar.
“Me dy turet e zhvilluara këtë javë është arritur numri prej 6027 vizitorëve në shtëpinë ligjvënëse në vitin 2022. Në kuadër të 169 tureve të organizuara këtë vit, vizitorët patën mundësinë të njihen me ambientet e brendshme të shtëpisë ligjvënëse dhe hapësirat më përfaqësuese, të mësojnë për historinë, organizimin dhe funksionimin e Kuvendit dhe të shohin se ku punojnë deputetët. Falënderojmë të gjithë vizitorët që ishin pjesë e tureve tona”, thuhet në njoftimin e Institutit Parlamentar në Facebook.
Kuvendin e vizitojnë nxënës të shkollave fillore dhe të mesme, studentë, qytetarë.
Kuvendi me paralajmërim paraprak mund të vizitohet të premten ose në disa orë të caktuara të martën dhe të enjten.
“Turat realizohen gjatë ditëve të hapura – çdo të premte (terminet në çdo orë nga 9 e mëngjesit deri në 15 pasdite) ose nga e marta në të enjte nga ora 9 deri në 10 paradite. Nëse jeni të interesuar të jeni pjesë e tureve të organizuara, zgjidhni takim që ju përshtatet dhe dërgoni mesazh në këtë profil, telefononi në numrin e telefonit 02/3182 227 ose e-mail: parl.inst@sobranie.mk dhe organizoni vizitën Tuaj”, thuhet në njoftimin e Institutit Parlamentar.