Edhe iniciativa qytetare “Ne Vendosim” paralajmëron se lista zgjedhore nuk është pastruar dhe akoma ka votues të rrejshëm, përcjel Telegrai Maqedoni.
“Kemi informacione se KSHZ-ja qytetarët që paralajmërojnë votues të paregjistruar i drejton tek adresa e Ministrisë së Punëve të Brendshme. MPB-ja nga qytetarët kërkon që të dorëzohet kërkesë në formë të shkruar për ndryshime në të dhënat personale dhe të vërtetohen me fakte, si kontratë e blerjes ose listë pronësie nga e cila do të vërtetohet pronari i objektit/pronës në të cilën janë regjistruar persona pa adresë banimi ose të cilët nuk kanë të drejtë të votojnë”, thuhet mes tjerash në reagimin e “Ne vendosim”.
Për këto parregullësi kjo iniciativë qytetare ka kërkuar shpjegim nga KSHZ-ja, por nuk kanë arritur të marrin përgjigje./Telegrafi/