Në kuadër të projektit Twining “Zhvillimi i bashkëpunimit ndërmjet institucioneve të arsimit të lartë, sektorit privat dhe organeve relevante”, në Universitetin e Tetovës u zhvillua punëtori për shkëmbimin e praktikave në lidhje me teknikat e vlerësimit të programeve studimore dhe zbatimin e tyre në praktikë, njofton Telegrafi Maqedoni.
Serge Dufulon, Shef i Departamentit të sociologjisë në Universitetin Pierre Mendes, Francë, njëherit edhe evaluues i programeve studimore dhe laboratorëve kërkimore në Agjencinë Kombëtare Franceze për Vlerësimin e Arsimit të lartë, foli për hartimin e programeve studimore, shpërndarjen e tyre, zhvillimin e stafit si dhe monitorimin dhe rishikimin e tyre.
Ai theksoi rëndësinë e vet evaluimit të programeve studimore si dhe hartimin e tyre në bashkëpunim me tregun e punës konkretisht me kërkesat e bizneseve dhe hapje më të madhe kundrejt sektorëve më të kërkuara./Telegrafi/