Të shtunën në Skenderaj u mbajt manifestimi “Dita e Plisit”, i cili ka si qëllim ruajtjen e vlerave kombëtare.
Ky manifestim u organizua në bashkëpunim me komunën e Skenderajt.
Këtij aktiviteti iu bashkëngjiten një numër i madh i burrave dhe grave me plis në kokë, të cilët aktivitetin e filluan së pari duke bërë homazhe tek Kompleksi Memorial “Adem Jashari” në Prekaz.
Manifestimi filloi në kullën e Ahmet Delisë, në Prekaz, ku u paraqiten kumtesa, anekdota, këngë folklorike si dhe program artistik me këngë dhe valle nga ansambli “Drenica”.
