Në qytetin e Shtipit ka filluar një protestë e studentëve të Universitetit “Goce Dellçev”, të cilët shprehen kundër dygjuhësisë dhe ndryshimit të emrit të Maqedonisë.
Sipas agjencisë Makfax, në protestë ka të pranishëm edhe studentë nga pesë qytete tjera të vendit. Studentët thonë se aktiviteti është jopartiak, dhe se ata distancohen nga partitë politike, duke shtuar se aktiviteti organizohet nga studentë të tërë Maqedonisë.
Qëndrimi i studentëve është se Ligji për përdorimin e gjuhëve e shkel Kushtetutën dhe godet historinë e Maqedonisë.
Organizatorët paralajmërojnë protestë tjetër në qytetin e Manastirit./Telegrafi/
