Planifikohet që presidenti i Turqisë Recep Tayyip Erdogan dhe presidenti i Rusisë Vladimir Putin të takohen para Samitit të G20 që do të mbahet më 4-5 shtator të këtij viti në Hangzhou të Kinës.
Janë qartësuar detajet e bisedës telefonike të cilën presidenti turk Erdogan e zhvilloi me homologun rus Putin, raporton Anadolu Agency.
Sipas të dhënave të marra nga zyrtarët, biseda telefonike Erdogan-Putin ka kaluar në një atmosferë shumë pozitive. Në bisedën mes dy liderëve, spikasin mesazhet e presidentit rus Putin: “Gjendja aktuale nuk ishte në dobi të asnjërit prej shteteve. Ta hapim një faqe të re!” si dhe “Ndiej kënaqësi që biseduam sërish”.
Gjatë bisedës, Putin tha se pajtohet plotësisht me mesazhet që presidenti Erdogan i dha mbrëmë në lidhje me luftën kundër terrorit dhe se Turqia dhe Rusia si shtete të mëdha të rajonit, kanë gjëra që duhet t’i bëjnë.