Punimet në këtë pjesë të autostradës kanë ecur shpejt dhe ekspertë të Ministrisë së Transporteve thonë se në fund të muajit që vjen do të jenë gati të katër korsitë, 2 korsi në çdo drejtim, në të cilat shpejtësia e lëvizjes lejohet 80-100 km/orë.
Njëri krah (Morinë-Tiranë) i kësaj autostrade u përurua nga kryeministri shqiptar, Sali Berisha dhe ai turk, Recep Tayyip Erdogan, në 25 qershor të këtij viti.
Autostrada e re, e konsideruar si një vepër gjigande, kalon në Durrës-Vorë-Fushë Krujë-Milot-Rrëshen-Reps-Thirrë-Kalimash-Kukës-Morin. Gjatësia totale e kësaj autostrade llogaritet 170 km, nga të cilat 111 km rrugë e re. /gazeta-start/