Në Shkup u organizua konferencë me temë ”Mbrojtja e fëmijëve viktimë në procedurat juridike” me mbështetje financiare të zyrës së UNICEF-it në Shkup, përcjell Telegrafi Maqedoni.
Në konferencë u tha se fëmijët kanë të drejtë të jenë të mbrojtur nga dhuna, shfrytëzimi dhe keqpërdorimi, ndërkaq për këtë qëllim duhet të forcohen sistemet kombëtare dhe shërbimet për parandalim dhe zbulim, udhëzim dhe menaxhim me rastet e fëmijëve viktimë të dhunës dhe keqpërdorimit dhe atyre fëmijëve që janë në rrezik të shndërrohen në viktimë.
Prokurorja Xhulijana Mishevska publikoi të dhëna nga hulumtimi i Institutit për hulumtime sociale dhe politiko-juridike pranë Universitetit Kirili dhe Metodi, me fëmijë të moshës 4 deri 8 vjeç, shumica e të cilëve i takojnë etnitetit maqedonas.
Sipas rezultateve, 89% e tyre ndjekin shkollimin, 9% janë çrregullime mendore, 87% e fëmijëve viktimë të dhunës seksuale u takojnë çifteve të martuar. Ajo tha se personat që merren me fëmijët që janë viktimë e keqpërdorimit seksual nuk kanë tranimin dhe aftësitë e duhura.
Në konferencë u prekën edhe tema tjerë si pornografia me fëmijë, prostitucioni me fëmijë, tregtia me fëmijë dhe robëria, shfrytëzimi seksual./Telegrafi/