Një ngjarje e rëndë ka ndodhur në qytetin e Shkodrës, ku boksieri i klubit Vllaznia, Nelson Hysa, është plagosur me dy plumba në trup tek ura Dervishbeg.
Dy persona me motor e kanë qëlluar boksierin sapo ka dalë nga berberi, raporton Panorama Sport.
Mësohet se Hysa i ka marrë plumbat sipër legenit dhe është në spitalin rajonal të Shkodrës, jashtë rrezikut për jetën.
Ende nuk dihen autorët e kësaj plagosjeje, ndërsa policia po punon për zbardhjen e ngjarjes.