Howard është veshur si Kim Jong-Un dhe Dennis Alan ka vënë parukë dhe shumë grim që të duket si Donald Trump, për një paraqitje në Hong Kong të Kinës.
Në këtë formë, aktorët kanë kundërshtuar politika e presidentit të Shteteve të Bashkuara dhe atij të Koresë së Veriut, ndërsa i kanë konsideruar si diktatorë, transmeton Telegrafi.
Për të përhapur mesazhin e paqes dhe dashurisë, ata edhe janë bërë kinse po puthen, megjithëse as nuk i kanë afruar buzët.
“Do doja që presidenti Trump, përfundimisht të vë paqe mes Amerikës dhe Koresë së Veriut. Mendoj se ai është lider i përkryer, sepse është diktator njëjtë si unë”, ka thënë Howard në rolin e udhëheqësit korean.
“Ne do të fitojmë dhe do të lodhemi së fituari, kjo do të jetë fantastike”, është shprehur Alan, duke folur dhe bërë grimasa njëjtë sikurse presidenti amerikan.
Shumë njerëz janë mbledhur që t’i shohin aktorët në rolin e liderëve, por e kanë pasur të ndaluar të bëjnë ‘selfie’, ndërsa janë lejuar të bëjnë fotografi të zakonshme. /Telegrafi/