Në sekondat e fundit para bllokadës, italianët largohen nga Milano: Na dënoni, vetëm mos na nxirrni nga treni

Një numër i madh i italianëve dhe të tjerëve të kapluar nga paniku, janë parë duke vrapuar për të hipur në trenat e fundit që udhëtonin nga Milano për në qytetet e tjera të Lombardisë, që së bashku me 14 rajone tjera të veriut të Italisë janë izoluar.

Siç raporton Corriere Dela Serra”, treni i fundit nga Milano është stërmbushur me njerëz dhe është larguar nga qyteti në ora 11:20 nga stacioni Garibaldi, transmeton Telegrafi.

Në rrjetet sociale janë shfaqur video që tregojnë turmën e njerëzve duke vrapuar nëpër stacion që ta zënë trenin. Pasagjerët janë futur në tren edhe pa blerë biletë, duke u thënë konduktorëve se janë të gatshëm të paguajnë dënimin vetëm që të largohen.

Lexo po ashtu Pavarësisht thirrjeve të autoriteteve të mbyllen tregjet që shesin kafshë që shpërndajnë coronavirusin, ato vazhdojnë të funksionojnë ilegalisht  

Të pakën 16 milionë njerëz nga fillimi i prilli do të jenë në bllokadë totale në rajonin e Lombardisë dhe në 14 provinca tjera – e tëra kjo po bëhet për të parandaluar përhapjen e coronavirusit, ka bërë të ditur kryeministri italian Giuseppe Konte.

Sipas ligjeve që i ka miratuar qeveria dhe parlamenti, do të mbyllen palestrat, pishinat, muzetë dhe qendrat e skijimit. Gjithashtu janë anuluar aktivitet kulturore, kurse ndeshjet e futbollit do të zhvillohen pa shikues. Është duke u shqyrtuar mundësia që të anulohen të gjitha ndeshjet e futbollit. /Telegrafi/