Rahoveci është ndër të paktat komuna që ndodhen në zonën e gjelbër sa i përket rasteve me coronavirus.
Shefi i Kabinetit të Kryetarit të Rahovecit, Veli Gashi thotë për RTV Dukagjinin se situata është e qetë.
“Gjithsejtë kemi rreth 333 të infektuar me coronavirus, 99 raste janë aktive ndërsa 35 prej tyre kanë pësuar me fatalitet”, tha ai, përcjell Telegrafi.
Gashi thotë se është rikthyer edhe dita e shtunë si dit pune në mënyrë që qytetarët të marrin shërbime shëndetësore.
Shefi i Kabinetit të Kryetarit të Rahovecit thotë se në fund të këtij muaji Rahovecit do t’i shtohet edhe një spital i ri ku qytetarët do të mund të marrin shërbime shëndetësore.
Gashi thotë se qytetarët e Rahovecit janë duke respektuar masat dhe sipas tij trendi i rritjes nuk është alarmant sa për të kaluar nga zona e gjelbër në zonat tjera./Telegrafi/