Kylie Jenner dhe Travis Scott nuk kanë qenë kurrë më të afërt.
Miliarderja 24-vjeçare është duke u përgatitur për të sjellë në jetë fëmijën e dytë, ndërsa një burim i afërt me çiftin ka deklaruar se ata po e forcojnë lidhjen çdo herë e më shumë, shkruan DailyMail.
“Travis dhe Kylie nuk kanë qenë kurrë më të afërt. Ky fëmijë ka bërë që ata të jenë edhe më të afërt”, ka deklaruar ky burim për UsWeekly.
Travis dhe Kylie kanë tashmë një vajzë trevjeçare, Stormi, dhe lidhja e tyre ka pasur ulje dhe ngritje qëkur filluan romancën në vitin 2017.
Gjithsesi, ata tani janë ribashkuar dhe Jenner po ndihet tejet e lumtur për ardhjen në jetë të një fëmijë të dytë.
“Ajo është shumë e lumtur për familjen e saj. Travis është i emocionuar. Ata të dy e kanë dashur këtë prej kohësh”, ka thënë ky burim.
Kylie së fundi ka konfirmuar shtatzëninë e saj në një video emocionale në rrjetet sociale. Zeshkania postoi videon e shtatzënisë në Instagram të testit pozitiv dhe ultrazërit.
Në video u shfaq edhe nëna e Kylie, Kris Jenner, e cila shihet e lumtur dhe plot emocione kur kupton që vajza e saj e vogël është në pritje të fëmijës së dytë.
Ndërkohë, dje (e mërkurë), Kylie ka debutuar me barkun e rrumbullakët, e veshur në një fustan të bardhë dhe elegant. /Telegrafi/
