Shoferit të një veture nuk i është pritur për të arritur në destinacionin e tij.
Për të shkuar sa më shpejt në pikën për ku është nisur ai ka shkelur rregullat e komunikacionit.
Për shkak të kolonës së gjatë të veturave ai ka zgjedhur rotuarin për të lëvizur me autimjetin e tij.
Sipas një qytetari, i cili ka dërguar në KALLXO.com pamjet, rasti ka ndodhur sot rreth orës 18:00 në rrugën “Muharrem Fejza”, në Prishtinë.
Në videon e dërguar nga qytetari shihet se si vetura lëvizë nëpër trotuar, ndërkohë që anash saj shihet kolona e veturave.
Gjatë lëvizjes nëpër trotuar, vetura rrezikon edhe këmbësorët që qëllojnë aty.
