Pjesëmarrës të festivalit “Mirëdita, dobar dan” u mblodhën të enjten para Teatrit Kombëtar në Prishtinë për të ndezur qirinj në nder të viktimave nga një sulm vdekjeprurës më 3 maj në Beograd të Serbisë.
Në këtë sulm u vranë tetë nxënës dhe një roje.
Festivali, “Mirëdita, dobar dan” që u hap më 4 maj në Prishtinë, synon që audienca e Kosovës të ketë mundësinë të njihet me skenën artistike e shoqërore serbe.
Festivali poashtu synon shkëmbimin e veprimtarive artistike si mjet për normalizimin e marrëdhënieve ndërmjet Kosovës dhe Serbisë.
Ngjarja mbahet herë në Prishtinë, e herë në Beograd, ndërsa që nga themelimi i tij në vitin 2014, është shoqëruar me protesta të organizatave dhe partive të djathta në Serbi.
Foto: Arben Hoti/REL
