Ai është një ndër aktorët më të mirë të momentit në zhanrin e filmave dhe skeçeve humorisitik.
Bëhet fjalë për Julian Dedën, i cili ka 14 vjet që është i martuar me bashkëshorten, Armandën, me të cilën ka dy fëmijë – një djalë dhe një vajzë.
Artisti është tepër i përkushtuar pas familjes dhe këtë e shfaq shpesh në rrjetet sociale.
Gjatë ditës së sotme ka publikuar një fotografi në llogarinë personale në Instagram teksa shihet në krah të gruas teksa i ka bërë kërkesë epike meqenëse kanë mbushur plot 14 vite martesë.
“Zemër, tani që kemi 14 vite martesë dhe jam rritur, a mund të dal me shokët, të rri deri vonë? Të dua shumë”, shkruan shkodrani në mesazh.
Ndryshe, Dedën do ta shohim gjatë muajve të ardhshëm në projekte të reja televizive dhe teatrale. /Telegrafi/