Barcelona mori tre pikë të tjera të shtunën. Katalanasit mposhtën Las Palmasin 1-0 për të ulur diferencën nga Real Madrid në vetëm pesë pikë.
Megjithatë, Xavi nuk ishte i kënaqur me përfundimin e ekipit të tij. Në një mesazh të dukshëm për sulmuesit e tij që shpërdoruan shumë raste në këtë ndeshje.
“Një rezultat i vogël duke pasur parasysh atë që pamë. Kemi probleme me përfundimin e ndeshjeve këtë sezon.
“Kemi luajtur një lojë të mirë, rezultati është i shkurtër. Ne dominuam dhe krijuam raste. Mendoj se është një përmbledhje e asaj që kemi pasur këtë sezon, nuk e mbyllëm lojën më herët dhe përfunduam duke vuajtur”, tha Xavi.
Ai tha se është i lumtur me fitoren, por që duhet të shënojnë më shumë gola.
“Shumë fat i keq. Ne kontrolluam ndeshjen dhe patëm disa raste. Nuk e vendosëm ndeshjen herët dhe pas kësaj filluam të vuajmë. Mendoj se kjo është një përmbledhje e sezonit”.
“Jam i lumtur dhe i kënaqur me fitoren, por duhet të shënojmë më shumë gola”, deklaroi trajneri katalunas. /Telegrafi/