Pehçeva organizon garën e 57-të me radhë të traktoristëve më të mirë të Maqedonisë. Aktiviteti mbahet më 1 tetor, ndërkaq organizohet nga Lidhja për kulturë teknike në ekonomi dhe Teknika popullore, përcjell Telegrafi Maqedoni.
Bujqit traktoristë më të mirë të Maqedonisë do të garojnë me njëri tjetrin në një parcel në afërsi të lokalitetit Shën Petka. Aktiviteti do të fillojë në ora 9 e 30, me një defilim të pjesëmarrësve, ku do të marrin pjesë traktoristë nga gjashtë gara rajonale.
Më të mirët e aktivitetit do të trajnojnë tërë vitin dhe dy më të mirët do ta përfaqësojnë Maqedoninë në garën botërore të bujqive – traktoristë në vitin 2017./Telegrafi/