Këngëtarja Jessie J ka njoftuar se ka pësuar një abort, por që u tha fansave se do të performojë edhe një ditë pasi ta mësojë lajmin.
Në një postim emocionues në Instagram, ajo ndau një foto të një testi pozitiv të shtatzënisë dhe një citat të poetes Seyda Noir, gjersa etiketoi vendndodhjen e saj si ‘zemërthyer’.
33-vjeçarja tha se ‘trishtimi është i madh’, por shtoi: “E di që jam e fortë dhe e di se do të jem mirë”.
Në mbishkrimin e gjatë, ajo shkroi: “Dje në mëngjes isha duke qeshur me një shoqe duke thënë ‘seriozisht’, por si do ta kaloj koncertin tim në Los Angeles nesër mbrëma pa i thënë të gjithë audiencës se jam shtatzënë”.
“Dje pasdite kisha frikë nga mendimi për të kaluar koncertin pa qajtur…”.
Ajo tha se kishte shkuar për skanimin e saj të tretë, por mësoi se foshnjës nuk po i punonin të rrahurat e zemrës.
Këngëtarja e “Bang Bang” tha: “Vendosa të kem një fëmijë vetë”.
“Sepse është gjithçka që kam dashur ndonjëherë dhe jeta është e shkurtër. Të mbetesha shtatzënë ishte një mrekulli në vetvete dhe një përvojë që nuk do ta harroj kurrë dhe e di që do të më ndodhë sërish.
Jessie ka folur më parë për betejat e saj për fertilitet dhe zbuloi gjatë një koncerti të vitit 2018, mjekët i kishin thënë asaj në moshën 26-vjeçare se mund të mos mund të kishte kurrë fëmijë.
Megjithatë, ajo konfirmoi se do të vazhdojë të performojë shfaqjen e saj në Los Angeles dhe tha se “shpirti i saj ka nevojë për këtë”.
“Dua të jem e sinqertë dhe e vërtetë dhe të mos e fsheh atë që ndiej. Unë e meritoj këtë. Dua të jem aq sa mund të jem në këtë moment. Jo vetëm për audiencën, por për veten time dhe fëmijën tim të vogël që e bëri këtë”.
Ajo shtoi: “E njoh veten dhe e di që do të flisja për këtë në skenë sepse kjo jam unë. Pra, në vend të një fjalimi emocional me lot, duke u përpjekur të shpjegoj energjinë time. Kjo ndihem më e sigurt”.
“Jam ende në shok, trishtimi është i jashtëzakonshëm, por e di që jam e fortë dhe e di që do të bëhem mirë”.
“Unë gjithashtu e di se miliona gra në të gjithë botën e kanë ndjerë këtë dhimbje dhe shumë më keq”.
“Është ndjenja më e vetmuar në botë. Kështu që do të shihemi sonte LA. Unë mund të bëj më pak shaka, por zemra ime do të jetë në dhomë”, përfundon Jessie J. /Telegrafi/
