Një grup ekstremistësh klimatikë të quajtur Tire Extinguishers, shkatërruan gomat e më shumë se gjashtëqind veturave në nëntë vende evropiane të hënën mbrëma.
Sipas grupit, është një fushatë e koordinuar për të tërhequr vëmendjen ndaj ndotjes klimatike të shkaktuar nga SUV-të e mëdha, transmeton Telegrafi.
Ekstremistët mjedisorë shpuan më së shumti goma në qytetin francez të Toulouse, përkatësisht 146 vetura sipas Twitter-it të tyre.
100 vetura të tjera janë dëmtuar në Barcelonë, 60 në Bolonjë të Italisë. Pas pesëdhjetë, ata dëmtuan edhe në Berlin dhe Brno. Konkretisht, ata shkatërruan 51 automjete në Brno.
Qytete të tjera evropiane ku aktivistët ndërhynë të martën në mbrëmje janë Dublini, Haga, Parisi, Cyrihu, Mançesteri.
Tire Extinguishers e përshkruajnë veten si një grup pa drejtues me një prani ndërkombëtare. Pasi i kanë shfryrë gomat e veturave, ata lënë një fletëpalosje pas fshesave të xhamit që i informon për atë që ka ndodhur, gjoja për “sigurinë e pronarit”.
Qëllimi i organizatës është të “bëjë të pamundur zotërimin e një SUV në qytet”.
“Ne nuk na pëlqejnë SUV-të. Ne i shmangim veturat me etiketa me aftësi të kufizuara dhe veturat e punës, për shembull nga ndërtimi, furnizimi, shërbimet e urgjencës mjekësore, pylltaria. Ose e trajtojmë atë sipas gjykimit tonë në vend”, thonë aktivistët. /Telegrafi/