Chelsea dhe Tottenhami i kanë ndarë pikët në derbin që u luajt në kuadër të javës së dytë në Ligën Premier.
Pas vetëm 19-të minutash lojë, The Blues kaluan në epërsi me golin e Kalidou Koulibalyt, me Marc Cucurellan që ishte asistuesi.
Chelsea vazhdoi me dominim edhe pas shënimit të golit, duke mbyllur një pjesë të parë tejet të mirë.
WHAT A GOAL! 😲 pic.twitter.com/UXbyXKmH0p
— Chelsea FC (@ChelseaFC) August 14, 2022
Por, 45 minutat e dytë ishin edhe më tensionues, ku Thomas Tuchel dhe Antonio Conte morën kartonë të verdhë.
Ishte goli i Emile-Pierre Hojbjerg në minutën e 68-të, ai që acaroi gjërat mes të dyja kampeve, pasi një ndërhyrje e palejueshme nuk u akordua në favor të Kai Havertz, ndërsa Richarlison kishte zënë rrezën e shikimit për Edouard Mendyn tek goli i pranuar.
Back in the game. 😤 pic.twitter.com/hQ8MdjsEQ0
— Tottenham Hotspur (@SpursOfficial) August 14, 2022
Por, kjo nuk demotivoi Chelsean, që riktheu epërsinë pas vetëm dhjetë minutash nga goli i barazimit.
Nga një asistim i Raheem Sterling, Reece James (78’), shënoi për 2-1, duke çuar të gjithë tifozët blu në këmbë.
GET IN THERE! 😁 pic.twitter.com/YwRpljQlH0
— Chelsea FC (@ChelseaFC) August 14, 2022
Deri në fund, Chelsea nuk arriti të mbante epërsinë, pasi Harry Kane (90+6) shënoi me kokë për t’i barazuar shifrat në 2-2.
Pas javës së dytë, Chelsea ka katër pikë, po aq sa ka edhe Tottenhami, gjersa në xhiron e tretë Blutë takohen me Leeds United, derisa Spurs do kenë punë me Wolvesin. /Telegrafi/