Qendra për Kontrollin e Sëmundjeve, ka njoftuar se ky virus i ngjashëm me Ebolën, është paraqitur që nga muaji gusht i vitit të kaluar.
Sidoqoftë, autoritete e shëndetësisë, kanë deklaruar se virusi është nën kontroll dhe po bëhen përpjekje për parandalimin e tij.
Por, çfarë është virusi Lassa?
Ky virus që i ka simptomat e ngjashme me Ebolën, dallon tek numri i rasteve të vdekjes, transmeton Telegrafi.
Derisa 80 për qind e viktimave të Ebolës vdesin, vetëm një për qind e të prekurve me Lassa vdesin, ndërsa të tjerët shpëtojnë.
Virusi bartet nga brejtësit, kryesisht minjtë, duke rënë në kontakt me urinën dhe jashtëqitjet e tyre.
Simptomat më dalluese janë: Ethe, përgjumje, marramendje, jashtëqitje dhe rrjedhje gjaku nga syri. /Telegrafi/