Parashikimi i motit drejtpërdrejt në Moskë u bë viral pasi qeni u fut në kornizë dhe vodhi mikrofonin e gazetares, raportoi media ruse.
Transmetimi i drejtpërdrejtë i gazetares ruse të Mir TV, Nadezhda Seryozhkina, u ndërpre nga një qen i bardhë, i cili u hodh mbi të, i kapi mikrofonin nga dora e saj dhe iku, transmeton Telegrafi.
Seryozhinka i bërtiti qenit për “ndaluar” dhe “eja këtu” ndërsa u përpoq pa sukses ta kapte atë në urën nga e cila raportonte, njoftoi kameramani Dimitri Lotovski në Twitter.
Dhe ndërsa kameramani ishte duke filmuar reporteren duke ndjekur qenin, xhirimi tjetër tregon prezantuesen e habitur në studio.
“Ne duket se kemi humbur kontaktin me gazetaren tonë. Ne do të përpiqemi të lidhemi përsëri me të”, tha prezantuesja. /Telegrafi/
A dog in Russia grabbed the reporter's microphone and ran away during a live broadcast pic.twitter.com/R1T8VZ5Kpt
— Ali Özkök (@Ozkok_A) April 2, 2021