Ky është momenti rrëqethës kur një burrë në mes të ditës në qendër të qytetit, mbush revolen dhe më pas me të ekzekuton një të pastrehë që ishte ulur në trotuar në St Louis në Missouri.
Incidenti ka ndodhur dje pranë ndërtesës Globe, e pamjet janë publikuar sot në rrjetet sociale, ku shfaqin Deshawn Thomas duke qëndruar prapa shpinës së viktimës që ishte ulur në trotuar dhe kishte mbuluar veshët me duar, transmeton Telegrafi.
Për plotë 20 sekonda, vrasësi e mbush revolen dhe në fund e qëllon me një plumb në kokë të pastrehun. Ajo çfarë është më e tmerrshme se ndodhë në mes të qytetit në mes të ditës.
Sipas dëshmitarëve, ata i kishin parë dyshen duke u grindur jashtë një pompe të derivateve. E pavarësisht se Thomas ishte larguar nga vendi i ngjarjes pasi kreu vrasjen, është arrestuar në një bibliotekë.
Mbetet e paqartë nëse Thomas ka të kaluar kriminale, apo nëse ishte i liruar me kusht në kohën kur ndodhi vrasja.
“Ndodhi në mes të ditës. Kemi parë mjaftueshëm, nuk mund të durojmë më kështu”, thanë qytetarët e St Louis. /Telegrafi/
