Portieri i Pachucas, Oscar Ustari ka pranuar njërin nga golat më të largët në histori, pasi dalja e tij në rivënie këndore i kushtoi me pranim të golit ekipit të tij.
Pachuca u mposht në shtëpi me rezultat 1-3 nga Puebla në ndeshjen e javës së 14-të në Superligën e Meksikës.
Por, në këtë takim ndodhi diçka që ndodh rrallëherë, pasi u shënua një gol nga gati 80 metra distancë në minutat shtesë të ndeshjes.
Ish-portieri i Getafes, Ustari, tani portieri aktual i klubit Pachucas u hodh në sulm për të ndihmuar ekipin e tij në një rivënie këndore për të barazuar rezultatin.
📹#NoTeLoPierdas
¡¡¡G⚽⚽⚽LAZOOOO!!! 🤯🤯🤯🔝Salvador Reyes sentenció el partido.
Pachuca 1-3 Puebla#Guard1anes2021 ⚽ #LigaBBVAMX pic.twitter.com/oWmz9gTcLE
— Liga BBVA MX (@LigaBBVAMX) April 13, 2021
Megjithatë, e gjitha shkoi keq dhe jo vetëm që nuk arriti të përfundojë aksionin, por një lojtar rival e ndëshkoi.
Nga topi i larguar nga zona, lojtari Salvador Reyes pasi bëri disa hapa goditi topin duke e çuar në portën e zbrazët nga gati 80 metra. /Telegrafi/