Ambasada e SHBA-ve në Kosovë është ndriçuar me flamurin e komunitetit LGBTQI+, me rastin e javës së krenarisë që është shënuar në Prishtinë.
Në një postim në “X”, ambasada amerikane ka shkruar se ndërtesa e tyre ka shkëlqyer nga krenaria.
“Ne e ndriçuam ndërtesën tonë teksa shënuam Javën e Krenarisë mbrëmë në Prishtinë. Ne qëndrojmë me komunitetin LGBTQI+ në mbështetje të dashurisë, diversitetit dhe barazisë për të gjithë”, thuhet në postimin e ambasadës.
Ndryshe dhjetëra persona kanë marshuar të shtunën nëpër rrugët e kryeqytetit të Kosovës, Prishtinës, për të shënuar Paradën e tetë e Krenarisë, dedikuar të drejtave të komunitetit LGBTIQ+ (lesbike, gei, biseksual, transgjinor, ndërgjinor) e tjera.
Parada e ka përmbyllur Javën e Krenarisë në Kosovë, e cila ka nisur më 3 qershor. /Telegrafi/
Our embassy building is glowing with pride! We illuminated our building as we marked Pristina #PrideWeek last night. We stand with the LGBTQI+ community in support of love, diversity, and equality for all. 🌈 pic.twitter.com/SbHBvN8llN
— U.S. Embassy Pristina (@USEmbPristina) June 9, 2024