Bayer Leverkusen sot pret Werder Bremenin në kuadër të javës së 29-të të Bundesligës së Gjermanisë.
Ndeshja fillon në ora 17:30 dhe është më e rëndësishmja në histori të klubit që vjen nga qyteti i Leverkusenit.
Kjo pasi një fitore ia siguron matematikisht titullin e kampionit, që ky klub dhe qytet e pret prej viti 1904.
Bayer Leverkusen është pesë herë nënkampion i Gjermanisë, duke mos arritur ta fitojë asnjëherë edhe pse ishte shumë afër.
Qyteti sot është në atmosferën e festës, ku shumë shtëpi dhe rrugë janë stolisur me ngjyrat kuqezi të klubit.
Bayer Leverkusen arriti ta dominojë kampionatin, duke marr 24 fitore dhe katër barazime në 28 ndeshje.
Tra poco il Bayer Leverkusen potrebbe vincere matematicamente la prima Bundesliga della sua storia. È arrivato allo stadio così. pic.twitter.com/ZBsaeGL3l3
— Fulvio Paglialunga (@FulvioPaglia) April 14, 2024
Skuadra që drejtohet nga Xabi Alonso është në garë edhe në Ligën e Evropës, ku ka fituar takimin e parë ndaj West Ham, ndërsa do të luajë edhe në finalen e Kupës së Gjermanisë me Kaiserslautern.
Lider në fushë është Granit Xhaka që u bashkua me klubin në afatin kalimtar të verës nga Arsenali, duke u konfirmuar si në një prej lojtarëve më të mirë në kampionatin gjerman. /Telegrafi/