Një “zhurmë” misterioze është raportuar në të gjithë rrethinën e qytetit Leicester, duke lënë shumë banorë të hutuar.
Përdoruesja e Twitter @SarahJRandom, e cila banon në Beaumont Leys, e kapi momentin në kamerën e saj të sigurisë, pak pas mesditës të së shtunës së 4 marsit.
Përdorues të tjerë të mediave sociale spekuluan se ajo që dëgjuan ishte një “zhurmë sonike” – me disa banorë që thanë se kishin ndjerë shtëpitë e tyre të dridheshin gjatë momentit kur u dëgjua zhurma, raporton The Independent, transmeton Telegrafi.
Zhurma u raportua se është ndier edhe në Melton dhe Northampton.
Policia e Leicestershire tha se ka pranuar telefonata të shumta në lidhje me një një zhurmë të madhe shpërthimi të dëgjuar nga pjesë të ndryshme të qytetit dhe qarkut.
Një “zhurmë” e ngjashme u raportua në Londër në janar 2021 kur në qiell u ngritën avionët luftarakë të RAF. /Telegrafi/