Iluzionisti nga Letonia kaloi 64 orë e 32 minuta në një kub akulli në Moskë para se kërkonte ndihmë mjekësore dhe urgjentisht u transferua në spital.
“Nata e fundit ishte më e vështira. Çdo orë mendonim se kjo është ora e fundit e tij në kubin e akullit dhe në orën pesë të mëngjesit na mbërtheu paniku. Ai ishte në gjendje të rëndë shëndetësore kur doli nga akulli, por për fat tash ndjehet më mirë,” tha Jelena gruaja e magjistarit.
Mjekët thanë se Palychevskin e kanë ndarë vetëm sekondat nga ngrirja dhe vdekja.
Performansa e tij u transmetua live në mediat e Letonisë, ndërsa videoregjistrimi iu dërgua edhe Librit të Rekordeve Guinness.
Zyrtarët thanë se Palychevsky kaloi 32 minuta më gjatë në kubin e akullit sesa rekordmeni i mëhershëm, izraeliti Hezi Dayan. /Telegrafi/