Në konkursin e Qendrës Kinematografike të Kosovës për vitin 2018, afati i të cilit është mbyllur me datë 4 maj, kanë aplikuar në kategori 67 projekte filmike – në kategori të ndryshme.
Janë 17 projekte filmike që kanë aplikuar për film të metrazhit të gjatë artistik; për dokumentar të gjatë kanë aplikuar nëntë projekte; për film të metrazhit të gjatë artistik – koproduksion minor kanë aplikuar gjashtë projekte filmike dhe në atë të gjatë artistik – debutant kanë aplikuar pesë projekte. Kurse për film të metrazhit të shkurtër artistik kanë aplikuar 17 projekte dhe në atë të shkurtë të animuar katër projekte.
Në konkursin për zhvillim të skenarit për film të metrazhit të gjatë kanë aplikuar tetë projekte filmike, ndërsa në atë për postproduksion për film të metrazhit një aplikues.
Buxheti i QKK-së për këtë vit pritet të jetë rreth një milion euro.