Për shkak të punimeve që po bëhen nga KEDS-i në rrjetin elektrik, sot do të ketë ndërprerje të energjisë elektrike në disa pjesë të qytetit të Obiliqit, Gjakovës, Vushtrrisë dhe Lipjanit.
Një pjesë e qytetit të Obiliqit dhe fshatrat Subotiqi, Mazgiti dhe Shkabaj do të mbesin pa furnizim me energji elektrike, nga ora 09:00-12:00, dhe nga ora 14:00 -17:00. Kjo për shkak të montimit të konzollës në shtyllën e re, e cila është nën largerçuesin ekzistues 10kV.
Në të njëjtat orë do të ketë shkyçje edhe në Gjakovë, ku pa furnizim me energji elektrike do të mbesin KFOR-Aeroporti, Osek Pasha, Trakaniqi, Qerimi, Lug-Bunari, Sopoti dhe Beci. Sipas KEDS-it, arsyeja e shkyçjes janë punimet në projektin “Zgjërimi dhe Përforcimi i Rrjetit 2015“.
Gjysmë ore, konkretisht nga ora 11:00 deri në orën 11:30, do të ketë shkyçje edhe Lipjan, ku gjatë kohës sa do të zgjasin punimet, pa furnizim me energji elektrike do të mbesin fshatrat Mirash, Cërrnillë, Babush i Muhaxherëve, Babush i Ri, Tërrn, Rubovc i Madh, Kojsk, Surqinë dhe Bablak.
Kurse, në Vushtrri nga ora 10:30-11:30, pa furnizim me energji elektrike do të mbesin Shkolla Policore dhe Spitali. Arsyeja e shkyçjes është realizimi i punimeve sipas pëlqimit elektro-energjetik. Në Vushtrri nga ora 10:00-12:00, do të ketë ndërprerje të energjisë elektrike edhe në vendbanimet TMK-1, TMK-2, Podrangjë, Doberllukë, Sllatinë, Banjskë, Pasomë, Tërllobuq dhe Smrekonicë