Pandemia e coronavirusit ka gjunjëzuar botën, megjithatë ka ende kampionate futbolli që po zhvillohen normalisht.
Bëhet fjalë për vende si Bjellorusia, Nikaragua, Taxhikistani si dhe Burundi.
Në vendin afrikan (Burundi) sezoni, sipas programit, do të mbyllet brenda majit, por kalendari ka ndryshuar, por jo për faj të COVID-19.
Presidenti i Federatës së Futbollit të Burundit, Reverien Ndikuriyo, njoftoi shtyrjen e disa takimeve, pasi në stadiumet e futbollit do të organizohen tubime para zgjedhjeve qw mbahen me 20 maj.
Deri tani, në Burundi janë zhvilluar 27 nga 30 javë gjithsej të kampionatit.
Ndërkohë, në Bjellorusi, ku kampionati ndjek vitin kalendarik, është arritur te java e 4-t (të enjten do të luhen dy takime të raundit të 5-të).
Në Taxhikistan java e tretë do të zhvillohet fundjavën e ardhshme, ndërsa turneu “Clausura”, që po zhvillohet në Nikaragua, është në javën e 16-të. /Telegrafi/